(De Bernard de Ventadorn)
Can vei la lauzeta mover
de joi sas alas contra·l rai,
que s'oblida e·s laissa chazer
per la doussor c'al cor li vai,
ai! tan grans enveya m'en ve
de cui qu'eu veya jauzion!
Meravilhas ai, car desse
lo cor de dezirer no·m fon.
Ai, las! tan cuidava saber
d'amor, e tan petit en sai,
car eu d'amar no·m posc tener
celeis don ja pro non aurai.
Tout m'a mo cor, e tout m'a me,
e se mezeis e tot lo mon;
e can se·m tolc, no·m laisset re
mas dezirer e cor volon.
Anc non agui de me poder
ni no fui meus de l'or'en sai
que·m laisset en sos olhs vezer
en un miralh que mout me plai.
Miralhs, pus me mirei en te,
m'an mort li sospir de preon,
c'aissi·m perdei com perdet se
lo bels Narcisus en la fon.
De las domnas me dezesper;
ja mais en lor no·m fiarai;
c'aissi com las solh chaptener,
enaissi las deschaptenrai.
Pois vei c'una pro no m'en te
vas leis que·m destrui e'm cofon,
totas las dopt'e las mescre,
car be sai c'atretals se son.
D'aisso.s fa be femna parer
ma domna, per qu'e·lh o retrai,
car no vol so c'om deu voler,
e so c'om li deveda, fai.
Chazutz sui en mala merce,
et ai be faih co·l fols en pon;
e no sai per que m'esdeve,
mas car trop puyei contra mon.
Merces es perduda, per ver
(et eu non o saubi anc mai!),
car cilh qui plus en degr'aveI,
no·n a ges; et on la querrai?
A! can mal sembla, qui la ve,
qued aquest chaitiu deziron
que ja ses leis non aura be,
laisse morir, que no l'aon!
Pus ab midons no·m pot valer
precs ni merces ni·l dreihz qu'eu ai,
ni a leis no ven a plazer
qu'eu l'am, ja mais no·lh o dirai.
Aissi·m part de leis e·m recre;
mort m'a, e per mort li respon,
e vau m'en, pus ilh no·m rete,
chaitius, en issilh, no sai on.
Tristans, ges no·n auretz de me,
qu'eu m'en vau, chaitius, no sai on.
De chantar me gic e·m recre,
e de joi e d'amor m'escon.
=================
Al ver a la alondra mover
alegre sus alas, y a un rayo
dejarse olvidada caer
de tanta dulzura y desmayo,
¡ay!, tanta zozobra ya siento
que al ver a cualquiera dichoso
me pasma que el pecho avariento
no se les derrita anheloso.
¡Ay, yo que creía saber,
qúe ceguedad, tanto de amor!,
cuando lo gusté vine a ser
como otra ave sin vigor.
Como antes fue todo, el abismo
que abrió al apartar su querer
fue tan grande que el mundo mismo
mudó la color de su ser.
Ya no tuve más potestad
sobre mí desde que me abrió
sus grandes ojos, y: mirad
-qué flojedad me estremeció.
Cuando ella me dio a mirar
sus claras pozas, yo caí
allí en lo hondo, en su alta mar,
y desde entonces me perdí.
A la deriva voy incierto.
El ancho ponto es mi condado.
Más me complace que aquel puerto
la perdición que ella me ha dado.
Si alguna vez varé mi nave
fue solamente para oír
volar a la alondra, suave,
y suavemente desistir.
Tags: música antigua de trobadores
