大家好，我係小龍陳國坤，好高興喺歐國盃群星Show呢度同大家見面。
早幾日我去搵過谷德昭導演，佢話今屆歐洲國家盃十六隊，佢既冠軍心水揀左西班牙！
其實我都幾鍾意西班牙，皆因我鍾意食西班牙海洋炒飯嘛！哈哈，講下笑者！西班牙隊今屆喺教練阿拉干尼斯執教之下，刻意年輕化，就連喺聯賽有極好表現既魯爾，都因為年齡太大唔比佢入選，阿拉干尼斯揀埋晒一班後生仔，擺明就係要以速度同活力取勝啦！
不過，速度同活力都有，但係西班牙都有缺點，就係佢地既內部鬥爭問題。係人都知道，西班牙隊既內部鬥爭問題好嚴重，皇馬既球員同巴塞既球員又唔妥，北部既球員同南部既又唔妥，呢個係歷史遺留落黎既問題，睇下阿拉干尼斯點解決啦！
好啦！小龍既冠軍心水講住咁多先，今晚比賽係主辦國瑞士對捷克，捷克今屆Ｄ球員傷晒，我就睇好瑞士可以旗開得勝啦！至於另一場係今屆熱門之一既葡萄牙將會出戰土耳其，葡萄牙只得一個C朗，踢波唔係睇一個人架嘛，係整體既運動，單天保至尊呢條橋喺而家呢個年代唔得架啦，所以我支持土耳其呀！好啦！講住咁多先，今晚大家記得一齊睇波啦！
Tags: 谷德昭 錢嘉樂 香港賽馬會 歐洲國家盃 足球 HKJC 瑞士 捷克 葡萄牙 土耳其 奧地利 克羅地亞 德國 波蘭
